無獨有偶，Alan在91年出版的某幾首歌都有段唔清唔楚既獨白 (尤其係北風)。今次想講下Elaine，一首由周啟生作曲，因癸填詞既作品，係Alan歌曲風格上的新嘗試。記得當年既MV，Alan與何婉盈(其洋名也叫做Elaine)在一間教堂中拍攝，而其中一幕Elaine是躺在棺木內，表示她已與世長辭。
在Studio Version的Elaine ，Alan是有一句獨白: “可惜你 o係o個年最後既一日….”，正好暗示Elaine離開左人世，遺下另一半Alan在痛苦追憶。
憑空想像，我覺得個故事有D人鬼戀Feel (幻影?)，發生o係一個灑住微雨既深夜，Alan跪在逝去的戀人Elaine的墳前痛哭，回憶起以往相處的每一分一秒。生離死別對一雙戀人是最沈重的打擊，緣盡於此只可嘆息。雖說人死於燈滅，但真正的愛情可以經得起任何考驗，就算陰陽相隔仍愛下去，就算是錯的決定就繼續錯下去，感情根本唔可以用理智去衡量…
Alan 在演唱會上總是把獨白改編成”我識你o個日係o個年最後既一日”，會否扭轉了原意呢?
P.S. 12年後，因癸再為Alan填寫了”不一樣的再見”，concept似乎有點雷同呢
