左麟右李之我愛醫家人 終於上映，對於倫迷，可說是望穿秋水。畢竟Alan自1997年後再沒有拍片了。雖然明知呢套係胡鬧笑片，主角亦不是Alan (可能4個配角戲份等如一位主角)，但見Alan拼命宣傳，說得眉飛色舞，始終有些少期望。
看到第一日的票房(15萬，排第四位)，心裡有點寒意! 上映一週後的票房僅過100萬 ….
先別理克勤有多少叫座力，就算Alan單拖孭飛，票房也不只這個數字吧! 呢套片上畫前，我保守估計票房起碼600-800萬，因為有以下賣點:
- Alan 久休 9 年 狗年復出拍戲
- 成個6月只得呢部港產片上映 (總有人不愛看西片、災難片吧)
- 左麟右李效應
今次票房失利，是否要推翻我以上的推論呢?
- 始終呢部戲唔係Alan fans想睇既類型，而角色又是醜化Alan
- 香港人覺得西片(大製作)先值得入戲院睇，笑片留待DVD / 老翻吧!
- 呢部戲係適合一家大細去睇，6月1日上映，始終唔係暑假，仲係考試季節
- D人肯俾$400入紅館，唔代表佢地肯俾$40入戲院
Alan 上一部胡鬧片醉街拍擋也有1600萬票房, 是市道? 片種? 對手?
真係好想Alan認真地選拍幾部好電影，不要再演胡鬧攪笑片了。一部好的電影，幾首好的電影歌曲，對歌唱生涯有一定的幫助 - 不要忘記，Alan不少金曲也是來自電影的。
